Sethúsaprísurin við tunnilin hækkaður ein triðing

Sethúsaprísurin við tunnilin hækkaður ein triðing
Meðal sethúsaprísurin í hesum økinum er næstan 650.000 krónur størri enn í Eysturoynni sum heild
Húsaprísurin í Runavík er nógv hækkaður, nú Eysturoyartunnilin nærkast
 
10.09.2020 - 15:05

Tað er vorðið 31 prosent dýrari at keypa sethús tætt við Eysturoyartunnilin eysturoyarmegin. 

Prísurin er meira enn tvífaldaður síðani 2015, sigur Betri banki í tíðindaskrivi.

Meðal sethúsaprísurin í hesum økinum er næstan 650.000 krónur størri enn í Eysturoynni sum heild. 

Orsøkin er helst økti áhugin at búgva tætt við Eysturoyartunnilin.

Bústaðarbyrðan eisini tyngri

Bústaðarbyrðan, sum er roknað sum prosentparturin av inntøkuni eftir skatt hjá einum pari við tveimum børnum, sum fer til at fíggja ein bústað, er í økinum tætt við Eysturoyartunnilin eisini vaksin nógv seinasta árið.

Bústaðarbyrðan er farin úr 17 prosentum upp í 23 prosent frá 2019 til fyrra hálvár í ár. Tað merkir, at í miðal fara 23 prosent av inntøkuni eftir skatt til at fíggja ein bústað í økinum. 

Til samanberingar fara í miðal 16 prosent av inntøkuni til at fíggja ein bústað í Eysturoynni sum heild, skrivar Betri banki.

Er kopiera
Nýggjastu sendingar í ÚV
Nýggjastu sendingar í SV
Fríggjadag 3. mai
Veðrið
174592
Hósdag 2. mai
Dagur og vika - teknmálstulkað
174537
Mikudag 1. mai
Dagur og vika - teknmálstulkað
174444