Ov fá stilla upp í Hovi

bannari
22.10.2020 - 16:42
AktueltPolitikkur
Ov fá stilla upp í Hovi
Valnevndin fer at umrøða støðuna í kvøld
Valnevndin í Hovi hevur fund í kvøld, tí ov fá valevni eru til kommunuvalið
 

Í Hovi hava bert trý fólk stillað upp til kommunuvalið, men tað er ov lítið, tí neyðugt er við eykafólkum eisini.

Tí fer valnevndin at umrøða støðuna á fundi í kvøld, sigur forkvinnan í valnevndini, Eydna Danielsen. Hon sigur seg ikki vera vísa í, hvussu nógv fólk skulu vera á listanum aftrat, men tey mugu í minsta lagi vera tvey, so fimm fólk vera at velja ímillum.

Og hon væntar at fáa tvey fólk at stilla upp aftrat, men einki verður avgjørt, fyrr enn valnevndin hevur havt fund í kvøld.

Tey trý sum hava stillað upp, eru Bergljót Ludvig, sum er varaborgarstjóri nú, og Jón Midjord, sum er limur í bygdarráðnum. Saman við teimum er Delmar Tausen á listanum. Delmar hevur drúgvar royndir í kommunalpolitikki í Hovi, og hevur verið borgarstjóri í fleiri umførum. Hann hevur seinastu árini ikki havt sæti í bygdaráðnum.

Núverandi borgarstjórin í Hovi, Jónsvein Hovgaard, hevur sitið fýra skeið í bygdaráðnum í Hovi, og hann hevur gjørt av, ikki at stilla upp aftur.

Hann sigur, at nú eru fimm bygdaráðslimir í Hovi, men á nýggjárinum fór fólkatalið niður um 100, og tí skulu bert tríggir limir veljast í bygdarráðið hesaferð.

 
Nýggjastu sendingar í ÚV
Týsdag 24. november
Nón 23. november 2020
116704
Týsdag 24. november
Morgunlesturin týsmorgunin 24. november 2020
116529
Mánadag 23. november
Norðurljóð 23.november 2020
116649
Nýggjastu sendingar í SV
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617
Sunnudag 22. november
Guðstænasta úr Havnar kirkju
116616