Artur fer undir fjórða skeiðið sum borgarstjóri

bannari
20.11.2020 - 13:05
AktueltPolitikkur
Artur fer undir fjórða skeiðið sum borgarstjóri
Sjóvar kommuna hevur stórar avbjóðingar, sum serliga knýta seg at Eysturoyartunlinum
Nývalda kommunustýrið í Sjóvar kommunu, sum skipaði seg í gjár
 

Artur Johansen heldur fram sum borgarstjóri í Sjóvar kommunu. Nývalda kommunustýrið skipaði seg í gjár. Artur Johansen fer sostatt undir sína fjórðu setu sum borgarstjóri í Sjóvar kommunu.

Jóannes E. Markná varð valdur til varðaborgarstjóra. Nývalda kommunustýrið í Sjóvar kommunu sigur, at kommunan hevur stórar avbjóðingar, sum serliga knýta seg at Eysturoyartunlinum.

Avbjóðingar, ið helst eru av einum jaligum slagi, við fólkavøkstri, búskaparligum vøkstri og øktum møguleikum. Men eisini viðurskifti, ið leggja eitt størri trýst á tær tænastur, sum borgarar krevja, t.d. barnaansing, skúlar, bústaðarmøguleikar, vegir, arbeiðspláss o.a.

Delmar borgarstjóri í Hovi

Í Hovi verður Delmar Tausen nú aftur borgarstjóri. Bygdarráðið skipaði seg mikukvøldið, og varaborgarstjóri verður Jón Midjord, og triði limurin í bygdaráðnum er Bergljót Bertholdsen.

Delmar Tausen hevur tríggjar ferðir fyrr verið borgarstjóri í Hovi, men seinastu fýra árini hevur hann ikki verið í bygdarráðnum.

Á nýggjárinum fór fólkatalið í Hovi niður um 100, og tí eru bara tríggir limir í kommunustýrinum.

 
Nýggjastu sendingar í ÚV
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Leygardag 23. januar
Hetta heilaga Evangeliið skrivar.
119317
Leygardag 23. januar
Morgunlesturin leygarmorgunin 23. januar 2021
119024
Fríggjadag 22. januar
Nón 22. januar 2021
119297
Nýggjastu sendingar í SV
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181
Mánadag 18. januar
3-2
119108