Fyrrverandi trygdarráðgevin fær grið

26.11.2020 - 09:15
AktueltÚtheimurin
Fyrrverandi trygdarráðgevin fær grið
Nú verður málið ikki tikið uppaftur, og Flynn er frælsur maður aftur
Michael Flynn, fyrrverandi trygdarráðgevi, sum viðgekk, at hann hevði sagt ósatt. Nú hevur Trump, forseti, givið hon grið
 

Fyrrverandi trygdarráðgevin hjá Trump, Michael Flynn, fær grið. 

Trump skrivaði í gjárkvøldið á Twitter, at tað er ein stórur heiður náða mannin, sum í síni tíð varð koyrdur úr starvi í Hvítu Húsunum, tí hann hevði logið fyri varaforsetanum og fyri FBI.

Flynn hevur játtað, at hann leyg tvær ferðir. 

Men seinni tók Flynn aftur tað, sum hann hevði játtað at hava gjørt, tí FBI hevði brotið vanligar mannagongdir undir kanningararbeiðnum,  m.a. var eingin verji hjástaddur, tá hann varð avhoyrdur í 2017.

Nú verður málið ikki tikið uppaftur, og Flynn er frælsur maður aftur.

Mótstøðufólk í øðini

Tað kom ikki óvart á, men at hann fær grið, hevur kortini fingið øði í fleiri mótstøðufólk hjá forsetanum. 

Jerrold Nadler, formaður í lógarnevndini í Kongressini, er hvassorðaður.

- Hann hevur ikki uppborið at fáa grið, hetta er støðuloysi og enn ein skemdarblettur í eftirmælinum hjá Trump, segði Nadler. 

Hann sigur avgerðina hjá Trump vera valdsmisnýtsla og hóttan móti rættarstatinum.

Frælsur, men ikki ósekur

Adam Schiff, formaður í fregnartænastunevndini, sigur, at Flynn er frælsur maður, men hann er ikki ósekur.

- Flynn hevur játtað seg sekan í lygnunum - tvær ferðir. Tað broytir ikki sannleikan, at Trump náðar hann, sama hvussu Trump og hansara sameindu royna at geva okkum ta fatan, sigur Schiff.

Fjølmiðlafólkið í Hvítu húsunum, Kayleigh McEnany, verjir Michael Flynn.

- Hann er ósekur maður, og fólk hjá FBI, sum avhoyrdu Flynn, hildu ikki, at hann leyg. Fleiri kanningar prógva, at Flynn var offur fyri politiskari roynd hjá almennum starvsfólkum at sáa iva um valúrslitið í 2016, sigur McEnany.


 

 
Nýggjastu sendingar í ÚV
Týsdag 19. januar
Breddin
119145
Týsdag 19. januar
Óhoyrt
119143
Týsdag 19. januar
Tempo
119133
Nýggjastu sendingar í SV
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037
Mikudag 13. januar
Mentanarvirðislønir landsins 2020
118890