Fleiri rútar brotnaðir á Erlu Kongsdóttir

Tveir rútar brotnaðu av ristingum og stoytum, tá Erla Kongsdóttir var á veg úr Nólsoy á Havnina stutt fyri klokkan 11 í morgun.

– Fyrst hoyrdist eitt løgið ljóð, og tá rútarnir brotnaðu, minti tað um ein brest ella eitt skot, sigur Anne Mette Greve Klemensen, sum var við á túrinum um fjørðin.

Fyrst ljóðaði, at skipið hevði fingið ein sjógv á fjørðinum. Skiparin á Erlu Kongsdóttir segði við Kringvarpið stutt fyri klokkan hálvgum tólv, at rútarnir fóru inn av ristingunum og stoytum.

10 ferðafólk vóru við á túrinum. Erla Kongsdóttir var nær Havnini, tá rútarnir á skipinum fóru inn. Tað eru bara fýra dagar síðani, at skipið varð doypt og varð sett í sigling.