- Tíðindi, mentan og ítróttur
Herd krøv í Danmark raka ikki føroyingar
Herd krøv í Danmark raka ikki føroyingar
Fólk, sum ferðast til Danmarkar, skulu frá í dag at rokna kannast á flogvøllinum, tá tey koma til Danmarkar og síðani í sóttarhald í tíggju dagar
07.02.2021 - 15:22
Harumframt skulu fólkini hava eina negativa koronuroynd við sær, tá tey koma umborð á flogfarið, sum skal flúgva tey til Danmarkar.
Hetta verður gjørt fyri at fyribyrgja, at nýggj og meira smittandi koronufrábrigdi breiða seg ella koma til landið, siga donsku heilsu myndugleikarnir.
Dagliga koma umleið 1000 ferðafólk úr útheiminum til flogvøllin í Kastrup.
Nýggju reglurnar, sum komu í gildi á midnátt, eru galdandi til 28. februar. Heldur tú ikki reglurnar, er revsingin 3500 krónur í bót.
Herdu reglurnar í Danmark fevna tó ikki um fólk, sum ferðast úr Føroyum og Grønlandi til Danmarkar. Tað váttar Bárður á Steig Nielsen, løgmaður, fyri Kringvarpinum.
Er kopiera
Nýggjastu sendingar í ÚV
Nýggjastu sendingar í SV
