Krevja ikki munnbind longur

bannari
Krevja ikki munnbind longur
Veksur smittutrýstið, kemur tilmælið um at hava munnbind í bussunum í Havn aftur í gildi
Tilmælið um, at í mesta lagi 25 fólk kunnu vera í býbussunum í senn, er framvegis í gildi
 
17.02.2021 - 11:21

Koronuráðgevingin heldur nú, at eingin orsøk er til at brúka munnbind í bussunum hjá Bussleiðini í Tórshavnar kommunu longur.

Sum smittustøðan er í løtuni, er tilmælið um munnbind ikki galdandi longur. Men veksur smittutrýstið, kemur tilmælið í gildi aftur.

Tilmælið um ferðafólk er tó framvegis galdandi. Mælt verður til, at í mesta lagi 25 fólk eru í hvørjum bussi.

Krevja læknaváttan

Kemur tilmælið um munnbind aftur, skulu tey, sum ikki vilja brúka munnbind, hava læknaváttan um, at tey ikki kunnu brúka munnbind.

Tórshavnar kommunu hevur spurt Koronuráðgevingina aftur um hetta, tí Løgtingsins umboðsmaður bað hana spyrja. Løgtingsins umboðsmaður fekk ein klagu um, at einki undantak var um munnbindini.

Fólk, sum hava dult heilsubrek, og tí ikki kunnu brúka munnbind hava ongan møguleika fyri flutningi í kommununi, tí onnur tilboð av sama slagi sum Bussleiðin eru ikki. 

Tilmælið frá Koronuráðgevingini er nú, at fólk, sum ikki brúka munnbind, hava eina læknaváttan, sum sigur, at tey kunnu ikki brúka munnbind.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652