- Tíðindi, mentan og ítróttur
Øll flogførini framvegis sett
Øll flogførini framvegis sett
Flogfør í Japan, Suðurkorea og USA eru sett, eftir at eldur um vikuskiftið kom í ein motor í einum Boeing 777-flogfari
Mynd: AP
23.02.2021 - 07:16
128 Boeing 777-flogfør við Pratt og Whitney motorum, eru fyribils sett, meðan kanningar verða gjørdar. Tað var eftir boðum frá flogverksmiðjuni, at flogførini eru sett.
Um vikuskiftið fekk eitt Boeing 777-flogfar trupulleikar,og mátti neyðlenda í Denver. Eldur var í øðrum motorinum, men neyðlendingin eydnaðist væl, og eingin fekk mein av hendingini.
Flogfelagið, United Airlkines, boðaði tá frá, at 24 av teimum flogførunum hjá felagnum verða sett, meðan kanningar verða gjørdar.
Nú hava flogfeløg í Suðurkorea og í Japan valt at gera tað sama, skrivar Ritzau. 69 av flogførunum sum nú verða sett, vóru í nýtslu, meðan 59 ikki verða nýtt í løtuni.
Nýggjastu sendingar í ÚV
Nýggjastu sendingar í SV