Virdu ikki tilmælini: Fóru beint í býin

Fimm ung fólk, sum komu við flogfari til Føroya fríggjadagin, virdu ikki almennu koronutilmælini um at halda seg inni í fleiri dagar, men fóru beint í býin um vikuskiftið.

Løgreglan tók í nátt tann eina unga mannin, sum sjálvur fimti var komin við flogfarinum fríggjadagin, upp í býnum, tí hann lá avdottin í býnum í høvuðsstaðnum.

Kunnu "bara" tosa við fólkini

Maðurin varð koyrdur á hotellið, har tey ungu fólkini búgva, nú tey ferðast her í landinum, sigur vakthavandi á politistøðini við útvarpið í morgun.

Av tí at talan "bara" er um tilmæli, kundi løgreglan ikki gera annað enn at tosa við ungu fólkini um at virða almennu tilmælini, sigur vakthavandi.

Fríggjadagin kunngjørdu heilsumyndugleikarnir annars, at Føroyar nú aftur vóru koronufríar - fyrstu ferð síðani 3. juli í fjør summar.