Leiguveltur á Tvøroyri

Tvøroyrar kommuna bjóðar nú fólki at leiga sær eina veltu fyri 100 krónur, boðar kommunan frá á heimasíðuni. Í fyrstu atløgu bjóðar kommunan 12 veltur á tveimum grundstykkjum undir Heygnum.

Ætlanin hjá kommununi er, at borgarar skulu hava møguleika at velta eitthvørt til matna á økinum. Og tað, at velturnar liggja lið um lið, ger, at fólk kunnu hittast, samstundis sum okkurt áhugavert fæst burturúr, sigur kommunan á heimasíðuni.

Velturnar verða uppmerktar og á leið eins stórar. Kommunan syrgir fyri uppmerkingini, meðan leigarin sjálvur tekur sær av at velta, lúka og annað líknandi.