Fólkatalið farið upp um 53.000

Fólkatalið er nú farið upp um 53.000.

1. februar var fólkatalið í Føroyum 53.022, vísa tøl hjá Hagstovuni.

Tað er vaksið 798 fólk, ella 1,5 prosent, síðani 1. februar í fjør. 

Hetta er eitt vet minni enn undanfarna 12 mánaða skeið, tá vøksturin var 877 fólk, ella 1,7 prosent. 

Størri burðaravlop

Hagstovan sigur, at nettotilflytingin er minkað 131 fólk seinasta árið, men hinvegin var burðaravlopið 52 fólk fleiri.

Størsti vøksturin var í Tórshavnar kommunu, Klaksvíkar, Runavíkar, Eysturkommunu, Nes, Tvøroyrar og Vágs kommunu. 

Fólkavøkstur hevur eisini verið í Suðuroynni og Sandoynni seinasta árið, men vøksturin í Vágum er steðgaður. 

Meira fæst at vita um fólkatalið her.