Listeriabakteria funnin í hesum vørum

Talan er um kaldaroykta vøru frá Sjógæti, sum er pakkað frá og við 5. til og við 23. mars í ár:

▪ 200 gram skivuskorin royktur lakstur

▪ 150 gram stykki av laksi

▪ 300 gram stykki av laksi

▪ 150 gram stykkir av svartkalva

Vøran er seld í føroyskum handlum og verður afturkallað, tí listeriabakteriur eru ávístar í nøkrum av vørunum. Listeriabakterian kann vera vandamikil.

Sjúkueyðkennini líkjast teimum hjá beinkrími, sum eitt nú fepuri, høvuðpínu og í onkrum førum magatrupulleikum, skrivar Heilsufrøðiliga starvsstovan.

Brúkarar kunnu lata vøruna innaftur, har hon er keypt, ella burturbeina hana.