Ein koronutilburður í gjár

Ein tilburður av koronu varð staðfestur í gjár, vísa nýggjastu tølini frá Landslæknanum.

Viðkomandi kom til Føroya út útlondum. Talan er um bretska koronufrábrigdið (B.1.1.7).

172 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 247.602 kanningar.

Seinast koronasmitta var í Føroyum var á grækarismessu, 12. mars. 

502 koppsett

Í gjár vórðu 502 fólk koppsett. 492 fólk fingu fyrra prikið, og 10 fingu seinna prikið.

Nú eru 13.131 fólk koppsett. 8.874 hava fingið fyrra prikið, meðan 4.257 hava fingið seinna prikið, og eru liðugt koppsett.