Føroyingar liva longur

Livialdurin í Føroyum hækkar støðugt. Nú liva fólk í miðal 6,7 ár longur, enn tey gjørdu fyri 30 árum síðani, vísir ein uppgerð hjá Hagstovuni

Í 1989 var miðal livialdurin hjá fólki 75,9 ár, í 2019 var miðal livialdurin í Føroyum 82,6 ár. Bæði kynini gerast eldri og eldri, men tað eru serliga menn í Føroyum, sum nú liva longur.

Menn gerast 80,4 ár, kvinnur 85,3

Í 1989 var miðal livialdurin hjá monnum í Føroyum 72,5 ár, í 2019 gjørdust teir 80,4 ár, ella 7,9 ár eldri eftir 30 árum.

Sama tíðarskeiðið fór livialdurin hjá kvinnunum í Føroyum úr 79,5 árum upp í 85,3 ár. Altso liva kvinnurnar 5,8 ár longur, enn tær gjørdu fyri 30 árum síðani.

Árligu tølini kunnu tó sveiggja nógv, tí tað búgva lutfalsliga fá fólk í Føroyum, sigur Hagstovan í nýggju uppgerðini yvir livialdurin her á landi.