Útlendingar rinda skatt í Føroyum

Útlendingar rinda skatt í Føroyum
Fólk, sum arbeiða stutt tíðarskeið, rinda 42 prosent í skatti av inntøkuni, sum tey fáa í Føroyum
Fólk, sum eru við skipum í FAS ella við bareboat-skipum, rinda 35 prosent í skatti, stendur í svarinum frá Jørgeni Niclasen til Jóhannis Joensen
 
19.05.2021 - 09:01

Útlendingar, sum arbeiða í Føroyum fyri útlendskar fyritøkur, rinda skatt í Føroyum. 

Jørgen Niclasen, landsstýrismaður, hevur svarað Jóhannisi Joensen, løgtingsmanni, sum spurdi um skattin hjá útlendingum, sum arbeiða hjá útlendskari fyritøku í Føroyum.

Fólk, sum arbeiða eitt stutt tíðarskeið í Føroyum uttan at flyta bústað, skulu søkja um fyribils p-tal fyri at fáa lønina.

Eitt stutt tíðarskeið er í hesum føri 180 dagar ella minni í 12 mánaðir.

Ongan barnafrádrátt ella rentustuðul

Hesi fólk hava avmarkaða skattskyldu her. Tey gjalda 42 prosent í skatti av inntøkuni, sum tey fáa í Føroyum.

Tey fáa ikki barnafrádrátt ella rentustuðul.

Fólk, sum eru við skipum í FAS ella við bareboat-skipum, rinda 35 prosent í skatti.

Eru fólk í Føroyum longri enn 180 dagar, skulu tey flyta bústaðin higar. Og tá eru tey fult skattskyldug her. Tá verða tey eisini skattað av inntøkum, sum tey fáa í øðrum londum.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858