Mínlykil fer í søguna 1. juli

Frá 1. juli í ár ber ikki longur til at rita inn við Mínlykil.

Talgildu Føroyar boða frá, at Mínlykil verður gjørdur óvirkin um ein góðan mánað. Samleikin er komin í staðin fyri Mínlykil, og kann nú brúkast á teimum síðum og tænastum, sum higartil hava brúkt Mínlykil.

Fleiri leggjast aftrat

Harumframt eru fleiri aðrir tænastuveitarar, sum brúka Samleikan sum innritan, og fleiri leggjast aftrat. Seinni í ár fara eisini føroysku peningastovnarnir at brúka Samleikan til netbankarnar. Sostatt kanst tú rita inn við Samleikanum til flestu talgildu tænasturnar.

Higartil hava 17.700 føroyingar fingið sær Samleikan.