Allir fótbóltsdystirnir avlýstir

Eftir ætlan skuldu fýra dystir í 12. umfari í bestu fótbóltsdeildini hjá monnum umframt og eitt fult umfar í bestu kvinnudeildini spælast í dag, men allir dystirnir eru avlýstir.

– Kappingarnevndin hjá Fótbóltssambandi Føroya hevur tikið avgerð um, at av koronustøðuna, sum nú er íkomin, er allur fótbóltur fyribils avlýstur, sigur FSF.

Hvussu leingi steðgurin verður í føroyska fótbóltinum í hesum umfarinum, er støða ikki tikin til enn, sigur Fótbóltssambandið í fráboðanini, sum er komin fyrrpartin.