Neyðtøkumál í rættinum í dag

Føroya rættur viðger í dag eitt revsimál um millum annað neyðtøku og samlegu við barn, sum er yngri enn 15 ár.

Ein ungur maður er ákærdur fyri nøkur revsilógarbrot, sum skulu vera framd á Tvøroyri í februar, mars og í apríl.

Hann er ákærdur fyri at hava neyðtikið eina gentu, sum er yngri enn 15 ár.

Hann er eisini ákærdur fyri annað kynsligt samband við hana enn samlegu.

Maðurin er ákærdur fyri annað kynsligt samband við eina aðra kvinnu og fyri blygdanarskemd, tí hann skal hava víst fyri sær og gjørt seg inn á eina triðju kvinnu.

Maðurin hevur verið í varðhaldi síðani 11.apríl.

Hann noktar seg sekan.