Eingin vil vera kommunulækni

Eingin søkti um tey seks kommunulæknastørvini, sum vórðu lýst leys í vár.

Størvini, sum eru í fýra læknadømum, verða tí framvegis mannað við avloysarum.

Talan er um Norðoya læknadømi, Suðuroyar læknadømi, Skálafjarðar læknadømi og Vestmanna læknadømi.

Heilsutrygd arbeiðir við einari ætlan um tríggjar kommunulæknaviðtalur afturat teimum 34, sum nú eru, einari í Havn, einari í Klaksvík og einari í Fuglafjarðar læknadømi.

Heilsumálaráðið er biðið um pengar til tær, og avvarðandi kommunurnar hava fingið fráboðan.