Fleiri menn enn kvinnur doyggja av krabbameini

Nógv fleiri menn enn kvinnur doyggja av krabbameini ella hjarta- og æðrasjúkum.

Tað siga tølini fyri 2019, sum eru tey nýggjastu, upplýsir Hagstovan.

Vanligu deyðsorsakir í Føroyum eru krabbamein og hjarta- og æðrasjúkur.

Men nógv færri doyggja nú av hjarta- og æðrasjúkum enn fyri 20 árum síðani.

80-90 um árið

Fyri 15-20 árum síðani doyðu millum 80 og 90 menn um árið av hjarta- og æðrasjúkum. Nú er talið komið niður á 50.

Hjá kvinnum doyðu millum 70 og 85 um árið. Nú er tað talið komið niður um 40.
 
Hinvegin doyggja ikki færri av krabbameini, men heldur kvinkar talið eitt lítið vet uppeftir, serliga hjá mannfólki.