Rúsevnismálið: Fimm og tvey ára fongsul

Ein dani var fyri løtu síðani dømdur fimm ára fongsulsrevsing í stóra rúsevnismálinum, sum nú er endað. Ein føroyingur varð dømdur tvey ára fongsulsrevsing.

Tá dómarin kunngjørdi revsingina, segði hann, at hann og nevningarnir vórðu samd um, at tað, sum teir báðir hava fingist við, er samfelagsskaðiligur kriminalitetur.

Ákærin kravdi minst fimm ára fongsulsrevsing til danan, og minst tvey ára fongsulsrevsing til føroyingin.

Fara í hægstarætt

Verjin hjá dananum vísti á, at samanborið við tað sum er vanligt, so átti revsingin at verið 2,5 ár, og í mesta lagi 3 ár.

Teir gjørdu tí av at skjóta dómin inn fyri hægstarætt alt fyri eitt.

Verjin hjá føroyinginum helt, at eitt ár og tríggir mánaðir var nóg hørð revsing.

Hann segði í stuttari viðmerking eftir dómin, at teir fara at umhugsa, um teir skulu skjóta dómin inn fyri hægstarætt. Tað hava teir 14 dagar til.