50 krónur fyri at taka tínar egnu pengar út úr BankNordik

08.07.2021 - 14:24
AktueltPengar
50 krónur fyri at taka tínar egnu pengar út úr BankNordik
Bank Nordik lækkar nú loftið, fyri nær ein skal rinda negativa rentu av innistandandi, og so fer tað at kosta 50 krónur at taka pengar út við kassan
Prísurin fyri at taka tínar egnu pengar út úr BankNordik tvífaldast
Mynd: Bjarni Árting Rubeksen  
 

BankNordik broytir prísirnar fyri tænastur, og so lækkar bankin lofti fyri, nær ein skal rinda negativa rentu av innistandandi.

Upphæddin er nú ásett at vera 150.000 krónur, áðrenn ein skal rinda negativa rentu. Áðrenn var henda upphædd 350.000 krónur.

Aftrat hesum, so verður negativa rentan á innlánum lækkað úr -0,6 prosentum til -0,75 prosent.

 

Pensjónskontan eisini dýrari

Tað verður eisini dýrari at hava pensjónkontu í Bank Nordik, tí rentan á pensjónskontum fer somuleiðis úr -0,6 prosentum til -0,75 prosent, og tað er galdandi frá fyrstu krónu.

Aftrat hesum, so boðar bankin frá einari røð av nýggjum prísum. Tað eru 38 tænastur, sum allar verða dýrari frá 16. august.

Eitt nú fer tað nú at kosta 500 krónur í árligum kontugjaldi fyri eina gjaldoyrakontu - sum nú er kostar hetta 100 kr.

Prísurin fyri útgjald við kassan verður tvífaldaður, úr 25 krónum upp í 50 krónur, og tað sama verður galdandi fyri at seta pengar inn á tína egnu kontu.

Og so fer tað eisini at kosta 5 krónur, fyri hvørja girokortrokning ein avgreiðir á sínum egna netbanka. Hetta er í løtuni ókeypis.

 

Átta sjálvtøkur lata aftur

Bank Nordik boðar eisini frá, at átta sjálvtøkur kring landið lata aftur.

Frá 16. august vera sjálvtøkurnar á Toftum, Strondum, í Kollafirði, í Hoyvík, í Hornabø, í Vági, á Eiði og á flogvøllinum allar lætnar aftur.

Talið av sjálvtøkum fer tí niður í helvt.

Bankin sigur í fráboðan á heimasíðuni, at sjálvtøkur eru dýrar í rakstri, og av tí at nýtslan er avmarkað, so gevur henda tænasta samanumtikið hall.

Hóast príshækkingarnar, sum nú eru fráboðaðar, so stendur væl til hjá bankanum. Í fjør hevði bankin 166 mió. krónur í avlopi fyri skatt, og fyrsta ársfjórðing í ár, var hetta talið 118 mió. kr. í avlopi.

Er kopiera
Nýggjastu sendingar í ÚV
Leygardag 18. september
Jambalaja 180921
128758
Leygardag 18. september
Morgunlestur leygardagur 18.september 2021
128185
Fríggjadag 17. september
Nón 17. september 2021
128734
Fríggjadag 17. september
Mono: Tilflytararnir (2:6)
128716
Nýggjastu sendingar í SV
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578