Mótmæla parkeringshús í miðbýnum í Havn

15.07.2021 - 12:32
AktueltSamfelag
Mótmæla parkeringshús í miðbýnum í Havn
Skal miðbýurin vera fyri bilar ella børn? Tað er spurningurin, sum íbúgvarnir í miðbýnum í Havn seta Tórshavnar kommunu, nú ætlanin er at byggja parkeringshús í miðbýnum
"Ferðslan í miðbýnum er nógv, og við nýggjum og stórum parkeringshúsi fer ferðslan at fleirfaldast og hava skaðiliga ávirkan á trivnaðin í økinum - serliga fyri børnini," stendur í mótimælis
Mynd: Zeta arkitektar  
 

Í skrivinum til kommununa skriva grannarnir, at seinastu árini eru alsamt fleiri barnafamiljur fluttar oman í miðbýin og hava skapt nýtt lív í økinum.

Men tann gongdin er nú hótt, halda grannarnir. 

Ferðslan í miðbýnum er nógv, og við nýggjum og stórum parkeringshúsi fer ferðslan at fleirfaldast og hava skaðiliga ávirkan á trivnaðin í økinum - serliga fyri børnini. Spurningurin er einfaldur: skulu vit hava ein miðbý fyri børn og
barnafamiljur? Ella skulu vit hava ein miðbý fyri bilar?

 

Grannarnir svara í klaguni sínum egna spurningi, og staðfesta, at tað er ikki ein góð loysn at byggja eitt parkeringshús mitt í einum øki, sum longu er trongt og smalt.

Grannarnir vísa eisini á vantandi kunning frá kommununi og sóknast eftir kanningum, sum lýsa avleiðingina av parkeringshúsinum fyri grannarnar. 

Í niðara borði á Tinghúsvegnum fer ætlaða byggingin at skugga fyri hjá teimum, sum har búgva. Eitt skuggadiagram, og ikki ein pilkað og villleiðandi myndgjørd lýsing av einum sjónligum inntrivi, hevði somuleiðis víst, hvussu illa nærmastu grannar hjá einum p-húsi verða viðfarnir. 

Sambært klaguni frá grannunum hjá ætlaða parkeringshúsinum, so fer ætlaða byggiætlan enntá inn á ognirnar hjá grannum, uttan at nakar myndugleiki hevur verið á gátt, og uttan at nøkur kunning hevur verið.

Hetta er ikki góður fyrisitingarligur ella politiskur siður

Grannarnir krevja eina umhvørvis-árinskanning, sum lýsir, hvørji árin parkeringshúsið hevur. 

Grannarnir enda skrivið við at bjóða Tórshavnar kommunu á fund um ætlanina. Tí enn trívast tey í miðbýnum. 

"Her vilja vit búgva, uttan at gerandislívið skal standa fyri so ógvusligum broytingum, sum ætlaða parkeringshúsið fer at hava við sær. 

Bygningurin verður í sjey hæddum, har tann ovasta skal hýsa penthouse-íbúðum. 

Er kopiera
Nýggjastu sendingar í ÚV
Leygardag 18. september
Jambalaja 180921
128758
Leygardag 18. september
Morgunlestur leygardagur 18.september 2021
128185
Fríggjadag 17. september
Nón 17. september 2021
128734
Fríggjadag 17. september
Mono: Tilflytararnir (2:6)
128716
Nýggjastu sendingar í SV
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578