Føroyingar fáa nú eisini tilboð um triðja prikið

Føroyingar í vandabólki fáa nú eisini tilboð um eitt prik aftrat fyri koronu.

Tað váttar Kaj Leo Holm Johannesen, landsstýrismaður í heilsumálum, fyri útvarpinum í dag.

Danir eru farnir at bjóða borgarum, sum eru í vandabólki, og hava sera vánaliga immunverju, triðja prikið, og landsstýrismaðurin í heilsumálum hevur fingið tilmæli um at gera tað sama. 

Og tað tekur hann undir við, sigur Kaj Leo Holm Johannesen. 

Tað snýr seg fyrst og fremst um fólk við serligum blóð- og mergsjúkum, fólk í dialysu og fólk, sum hava fingið kemoviðgerð seinasta árið.

Heilsuverkið kallar tey inn, sum fáa tilboð um triðja prikið.