790 fleiri fólk

1. august búðu 53.567 fólk í Føroyum.

Hetta eru 790 fólk fleiri enn um somu tíð fjør. Vøksturin er 1,5 prosent.

Vøksturin í fólkatalinum stavar frá eini nettoflyting upp á 476 fólk, meðan burðaravlopið, sum er munurin millum fødd og deyð síðsta árið, var 314.

Høvuðsstaðurin eigur størsta partin
Hjá kommununum var størsti vøksturin hjá Tórshavnar kommunu. Har búðu 390 fólk fleiri 1. august í ár enn somu tíð í fjør. Vøksturin er 1,7 prosent.

Størsti prosentvísi vøkstur var í Hovs kommunu. Har vaks fólkatalið 5,2 prosent, sum svarar til fimm fólk. 

Næst var Nes kommunua, har vaks fólkatalið við 50 fólkum.  Vøksturin er 3,7 prosent.

Størsta afturgongdin var í Vestmanna, har 11 fólk fluttu úr kommununi.

Hagstovan skrivar, at sum heild er tilflytingin minkað nakað seinastu trý árini, meðan vøkstur er aftur í fráflytingini. 

Nettoflytingin er tí minkað nakað og er nú á sama støði sum í 2017, meðan burðaravlopið er tað hægsta tað hevur verið síðani 2003.