SSL avlýsir bæði koyring og sigling

Strandferðslan hevur avlýst bæði sigling og koyring fyri veður. 

Eingin koyring er til Dals, og Bygdaleiðir koyra ikki meira millum Klaksvík og Viðareiði í dag. 

Síðsti túrur úr Havnini til Klaksvíkar verður klokkan 16.20 og úr Klaksvík klokkan 16.30.

Koyrt verður ikki millum Fámjin og Tvøroyri.

Sildberin siglir ikki meira í dag, og Hasfjord siglir heldur ikki meira. Fólk, sum hava bílagt sær pláss við Hasfjord, verða biðin um at bíleggja pláss við Teistanum.

Meiri fæst at vita um broytingar í ferðaætlanini hjá Strandferðsluni her.

Meiri verður eisini at frætta í útvarpstíðindunum klokkan 16.