Mál um viðbøtur til starvsfólk seinkar dialysuviðgerð

Mál um viðbøtur til starvsfólk seinkar dialysuviðgerð
Leiðslan í Sjúkrahúsverkinum arbeiðir við at finna eina loysn á dialysuviðgerðini í Suðuroy
Dialysutólini hava staðið klár á Suðuroyar sjúkrahúsi síðani í september í fjør. (Savnsmynd)
 
09.02.2024 - 11:41

Málið er steðgað upp, millum annað tí ógreitt er, hvørjar viðbøtur sjúkrarøktarfrøðingar skulu hava í samband við ferðing millum Landssjúkrahúsið og Suðuroyar Sjúkrahús í arbeiðsørindum. 

Óluva í Gong, forkvinna í Felagnum føroyskir sjúkrarøktarfrøðingar, váttar fyri Kringvarpinum, at felagið er komið upp í málið. Hon hevur tó ikki fleiri viðmerkingar. 

Dialysutólini hava staðið klár á Suðuroyar sjúkrahúsi síðani í september í fjør. 

 

Hava fingið upplæring

Fyri skjótt tveimum mánaðum síðani, hálvan desember, vóru tríggir sjúkrarøktarfrøðingar, sum eru settar í starv at veita dialysu á Suðuroyar Sjúkrahúsi, lidnar við upplæring í Danmark at brúka tólini og kunna fremja viðgerðina. Tær hava eisini fingið arbeiðsroyndir á dialysudeildini á Landssjúkrahúsinum í Havn.

Í september í fjør segði Steinar Eirikstoft, forstjóri í Sjúkrahúsverkinum, at hann vónaði, at tað fór at bera til at veita dialysuviðgerða á Suðuroyar sjúkrahúsi um ársskiftið. 

Men framvegis mugu suðuroyingarnir ferðast til Havnar at fáa neyðugu viðgerðina.

Hvørki Hanus Toftheyggj, stjóri á Suðuroyar Sjúkrahúsi, ella Steinar Eirikstoft vilja úttala seg um málið enn, men ætlanin er at koma við kunning seinnapartin. 


 

Er kopiera
Nýggjastu sendingar í ÚV
Fríggjadag 31. mai
Vikuskiftið 31 mei 2024
175919
Fríggjadag 31. mai
Ein ræningardagur undir oynni í Skúgvoy
175896
Fríggjadag 31. mai
Breddin: Verkfallið herðist
175889
Fríggjadag 31. mai
Morgunlestur fríggjadagur 31. mai 2024
175685
Hósdag 30. mai
RagnarRokk 30.mai 2024
175032
Nýggjastu sendingar í SV
Fríggjadag 31. mai
Veðrið - teknmálstulkað
175931
Fríggjadag 31. mai
Dagur og vika - teknmálstulkað
175930
Fríggjadag 31. mai
Veðrið
175907
Fríggjadag 31. mai
Dagur og vika - teknmálstulkað
175867
Hósdag 30. mai
Sært tú fuglin? (2:3)
175831