FMA 2024 verður serstakt og øðrvísi

Annika Hoydal fer at framføra við einum stórum kóri, sum er samansett av fleiri av teimum, sum eru í uppskot til eina FMA-virðisløn.

Aldubáran, ið vanliga spælir nútímans klassiskan tónleik, fer at framføra eitt verk saman við elektronisku duo'ini SUPERVISJÓN. 

Og punkbólkurin 200, sum gav út plátuna "Reyvheart" í fjør, fer at framføra saman við kórdamum og tveimum loyniligum gestum. 

Leygarkvøldið er FMA 2024 í Norðurlandahúsinum, og tað verður sermerkt og øðrvísi, enn vit hava sæð áður. 

FMA 2023

13 FMA-heiðurslønir handast

Umframt, at kvøldið er ein fagnaður av tónleikaárinum 2023, og 13 FMA-heiðurslønir skulu handast, er kvøldið eisini á tremur við spennandi framførslum frá nøkrum teirra, ið hava myndað tónleikaárið 2023 her á landi. 

Aggrasoppar, sum vann Sement 2023 og er í uppskoti fyri "Ársins útgávu", fara at framføra.

Nú er eisini avdúkað, at ein av tónleikagestunum er Teitur, sum fer at hava eina heilt serliga framførslu. 

Harumframt koma Annika Hoydal, 200, Aldubáran & Supervisjón og onnur. 

Og tá ið sjónvarpstólini hjá Kringvarpi Føroya eru sløkt, spæla Aggrasoppar víðari í salinum fyri áhoyrarunum, ið eru komnir í Norðurlandahúsið at lurta.  

FMA 2023

Øll eru vælkomin

Tað eru Tónleikasamband Føroya, Norðurlandahúsið og Kringvarp Føroya sum í felag skipa fyri FMA.

Um tit vilja uppliva alt tað villa, sum er fyrireikað til FMA 2024, so eru tit noydd at vera í Norðurlandahúsinum leygarkvøldið 9. mars.

Atgongumerki kunnu keypast inni á heimasíðuni hjá Norðurlandahúsinum. 

Tiltakið verður í Stórhøllini, og talan er um ónummererað standipláss við høg kaféborð, men stólar eru tøkir til tey, ið av ymsum ávum hava brúk fyri at sita. 

Gevið gætur, at tiltakið verður filmað. Sjónvarpið sendir eisini frá kvøldinum, tó at sendingin er seinkað ein hálvan tíma.

Tiltakið byrjar kl. 19, men sjónvarpið byrjar at senda kl. 19.30.

Hvat: Faroese Music Awards 2024
Hvar: Norðurlandahúsið (og í sjónvarpinum frá kl. 19.30)
Nær: Leygarkvøldið kl. 19

Tey tilnevnd til FMA eru:

Ársins útgáva

"ja/nei - og restin av vikuni" - Dania O. Tausen

“Rúm" - Marius Ziska

"Tøgn" - Jógvan

"Vendir vindar" - Einangran

"Døgurðaslang" - Aggrasoppar

Ársins lag

• "Greener" / Beinir
• "Literally Everything" / Brimheim
• "kann eg hava armin soleiðis her?" / Dania O. Tausen
• “Farin” (Feat. Sigrið) / Jónas Gaard
• “Vak meg ei” - Byrta 

Ársins serútgáva

• "Fast Trakk" / Supervisjón
• “The Distance Between Us" / Aldubáran
• "A15" / A15
• "All at once" / Orka
• “...eftir” / Klingra

Ársins spíri

• Katari
• jazzygold
• SUPERVISJÓN
• Andrias Blaasvær
• Adrenaline

Ársins klassiski prísur

• Tróndur Bogason - "The Distance Between Us" (útgáva)
• Kristina Thede Johansen - "SANSA Føroyar” (debut konsert)
• Eli Tausen á Lava - "Ein Tónleikalig Vangamynd" (konsert)
• Sámal Jákup Jakobsen - "Heimasvitan" (útgáva)
• Anna Katrin Ø. Egilstrøð - "From Harbour To Harbour" (konsert)

Ársins tónasmiður

• Tróndur Bogason
  Komponerað og framleitt: "The Distance Between Us" - Aldubáran 
  Komponerað og arrangerað: "Pigen med Brødet" - Kristina Thede Johansen (SANSA Føroyar)
  Arrangerað: "Going Home", "Í Aldingarðinum", "Silvurlín", "Til Kærleikan" og "Villingarsjónin" - Marius Ziska (til Føroya Symfoniorkestur)
  Framleitt: "Tøgn" - Jógvan
  Komponerað og arrangerað: "Symfoni nr. 1&2" (til Føroya Symfoniorkestur)
   
• Eyðfinn B. Lamhauge
  Skrivað og framleitt: "døgurðaslang" - AGGRASOPPAR
  Skrivað: "Buksurnar á" - Tórshavnar Big Band
   
• Mikael Blak
  Framleitt: "…eftir - Klingra"
  Komponerað og framleitt: "Reyvheart" - 200
  Framleitt og komponerað: "RÚM" - Marius Ziska
  Framleitt: "Ha-Ha Oyggin" - Ha-Ha Oyggin
   
• Janus Rasmussen
  Framleitt: "Vendir vindar" - Einangran
  Komponerað og framleitt: "Wirbel" - David Burgmüller, Janus Rasmussen
  Benjamin Djurhuus
  Komponerað og framleitt: "ja/nei – og restin av vikuni" - Dania O. Tausen
  Framleitt: "Farin" - Jónas Gaard (feat. Sigrið)
  Framleitt: "I Built You A Theatre" -  Fróði Bjarnason
  Framleitt: "Green, Yellow and Red (Can't Figure You Out)" - Tormóður

Ársins tónleikari

• Jan Rúni Poulsen
  Útgávur: "Leysir endar" - Annika Hoydal, "Rúm" - Marius Ziska, "Tøgn" - Jógvan.
  Live við Høgna, Elinborg, Konsørn, Son of Fortune, Marius Ziska, Føroya Symfoni Orkestri, Torshavnar Big Band.
   
• Sigrið F. Hansen
  Útgávur: "Farin" - Jónas Gaard (feat. Sigrið)
  Live við Føroya Symfoniorkestri, Kalas, Jónasi Gaard, Mariu Ronnisdóttir á Heygum
   
• Per Ingvaldur Højgaard Petersen
  Útgávur: Hjartasláttur - Knút, Heiðrik sings the Björk songbook - Heiðrik, Garðar - Maria Ljósá, leyst loft - Katari, Kom við mær - Bollarnir, Rúm - Marius Ziska.
  Live við Eivør, Byrta, Annika Hoydal, Lea Kampmann, Elinborg, Klingra, EMP, Yggdrasil, Einangran, Tjant, Guðrun & Bartal.
   
• Benjamin Djurhuus
  Útgávur: “ja/nei – og restin av vikuni” - Dania O. Tausen, Farin - Jónas Gaard (feat. Sigrið), I Built You A Theatre -  Fróði Bjarnason, Green, Yellow and Red - Tormóður
  Live við Piparsterti, Dania O. Tausen
   
• Ólavur Gaard
  Útgavur: Tórshavnar Big Band: "GULL - 50 ára fagnaðarútgava", Martin Joensen - "Veruliga Tú", myk:tind - Flyktig.
  Live við Aggrasoppum, Kristinu Thede Johansen: Sansa Føroyar, GØ, Marionnu Winter, Frum, Jónasi Gaard, Norðurglóð. 

Ársins myndlistarligi samleiki

• Brimheim - fyri heildarkonsept, sjónband og pressumyndir til sangirnar "Literally Everything" og "Brand New Woman"
• Dania O. Tausen - fyri útgávukonsert, tónleikastuttfilm, plátuhúsa og heildarkonsept við plátuni “ja/nei – og restin av vikuni”
• Einangran - fyri sjónband og konsertkonsept við plátuni "Vendir vindar"
• Klingra - fyri heildarkonseptið "Føroyingahavnin" við plátuni "...eftir"
• Kóboykex - fyri gjøgnumgangandi sosialir miðlar og sjónbandalagið "Padam Padam"+

FMA-heiðurslønir uttan tilnevning

• Ársins átak
• Ársins útflugningsheiðursløn
• Ársins FMA
• Ársins tekstur
• Heiðursprísurin