Meg minnist: Óluvá Skaale (5:5)

21-12-2014

Jógvan Arge hittir Óluvu Skaale í Havn. Fimta og seinasta sending

Maður Óluvu, Jóannes Skaale, var ættaður úr Havn, men metti seg vera mikladalsmann. Hann fór sum smádrongur norður til mostrina Jónu, og vaks upp hjá henni og Mariusi Johannesen. Hvørja summarferiu var hann í Havn hjá foreldrunum.<br/>
<br/>
Lívstarvið hjá Óluvu var á Specialskúlanum, seinni Skúlanum á Trøðni, har hon var í 40 ár og hevði mangar uppgávur. Byrjaði á VBV, eitt skifti í KFUM og KFUK, til nýggi skúlin á Frælsinum kom í 1975.<br/>
<br/>
Eitt nú kom bókin Matur og Matgerð burtur úr at undirvísa lesiveikum. Sum danskur tænastumaður hevði hon 14 daga farloyvi at eiga børn. Tað var stríggið.

Meg minnist

Sendirøðin Meg minnist byrjaði í 2009. Í røðini leggur Jógvan Arge dent á at fáa fólk at siga frá slíkum, sum tey vita og hava upplivað. Sjálvt heitið á sendirøðini er ikki nýtt. Niels Juel Arge brúkti navnið í mong ár til sínar samrøðusendingar, og Jógvan ásannar, at ringt er at finna eitt betri felagsheiti fyri slíkar sendingar.