Jólagesturin: Poul Vang (2:2)

27-12-2016

Jógvan Arge hittir Poul Vang úr Nólsoy, sum hevur búð í Danmark í 50 ár

Poul Vang úr Nólsoy var álitismaður hjá Føroya Fiskimannafelag í Nólsoy. Hann var við í rokinum, tá stóra fiskimannaverkfallið var í 1954.

Saman við Streiku Frederikki var hann úti í Tinganesi og tingaðist við landsstýrismannin Hákun Djurhuus í eini roynd at loysa knútin.

Poul giftist í 1955 danskari gentu, sum var komin til Føroya at ferðast saman við eini nólsoyargentu. Hann var nú skipari á doktarabátinum Reyðakrossi, til tey í 1959 fluttu til Danmarkar.

Har hevði Poul serlig álitisstørv fyrst á laboratoriinum og síðani á patologisku deild á sjúkrahúsinum í Glostrup.

Henda sending er ikki tøk á heimsíðuni..

Vanliga eru tvær orsøkir til at ein sending ikki er tøk:

Sendingin er ikki frígivin enn.
Hetta merkir vanliga at sendingin er ávegis..
Royn aftur um eina løtu. Vanligt er, at sendingar ikki eru tøkar á netinum fyrr enn sendingin verður send í sjónvarpinum.
Sendingin er tikin av heimasíðuni
Sendingar eru vanliga bert tøkar í eitt ávíst tíðarbil.
Tað er ymiskt hvussu longi sendingar eru tøkar - sendingar, ið KvF ikki sjálvt hevur framleitt eru bert tøkar í styttri tíðarbil.

Meg minnist

Sendirøðin Meg minnist byrjaði í 2009. Í røðini leggur Jógvan Arge dent á at fáa fólk at siga frá slíkum, sum tey vita og hava upplivað. Sjálvt heitið á sendirøðini er ikki nýtt. Niels Juel Arge brúkti navnið í mong ár til sínar samrøðusendingar, og Jógvan ásannar, at ringt er at finna eitt betri felagsheiti fyri slíkar sendingar.