Fronsku íslandsmenninir (1:2)

26-06-2018

Jógvan Arge greiðir frá fronskum toskafiskiskapi undir Íslandi í 300 ár. Fyrra sending.

Franskir fiskimenn fóru at royna undir Íslandi 300 árum síðani. Tað vóru flandrar úr Dunkirque og grannabygdum, sum løgdu fyri. Teir fiskaðu við smáum skonnartum, sum vóru mannaðar við 12 monnum.

Eini 100 ár seinni fóru eisini skonnartir úr Bretagne til Íslands at fiska. Farið varð í februar og komið varð heim aftur í september. Hetta var hart lív og fransar mistu 4000 mans, meðan teir royndu undir Íslandi fram til 20. øld.

At vera teimum til hjálpar fóru fransmenn síðst í 1800-talinum at senda hospitalsskip undir Ísland at stuðla sínum fjarskotna flota.

Sendingin varð send fyrstu ferð tann 24. juni 2018.

Meg minnist

Sendirøðin Meg minnist byrjaði í 2009. Í røðini leggur Jógvan Arge dent á at fáa fólk at siga frá slíkum, sum tey vita og hava upplivað. Sjálvt heitið á sendirøðini er ikki nýtt. Niels Juel Arge brúkti navnið í mong ár til sínar samrøðusendingar, og Jógvan ásannar, at ringt er at finna eitt betri felagsheiti fyri slíkar sendingar.