Um vikuskiftið eru 405 Súlur tiknar í Mykinesi. Sí myndirnar her (Myndir: Bjarni Mohr)
- Tíðindi, mentan og ítróttur
Myndarøð: Mykinesmenn taka Súlu
Fríggjakvøldið vóru mykinesmenn og avbygdamenn í Mykineshólmi eftir Súlu. Hesa ferð vóru tvey ár síðani Súla seinasta varð tikin í oynni, tí tað hevur ikki viðrað at tikið Súlu síðani 2011.
Veðrið í ár hildnaðist hinvegin avbera væl og ein bátur við 52 avbygdamonnum kom í oynna stutt undan at farið varð at taka Súlu fríggjakvøldið.
Til samans vórðu tiknar 405 Súlur tiknar, sum er nakað minni enn tølini fyri undanfarin ár. Her er ein myndarøð, ið varð framleidd, tá farið varð eftir Súlu í oynni um vikuskiftið.
Blaða í myndasavninum við pílunum á knappaborði tínum
|
|
 Á nátturða fríggjakvøldið kemur báturin Jósup til Mykinesar við 52 monnum, ið saman við Mykinesmonnum skulu taka Súlu (Mynd: Bjarni Mohr) |
 Súlumenn hittast í skúlanum í Mykinesi áðrenn farið verður at taka Súlu (Mynd: Bjarni Mohr) |
 Klokkan 20:30 á kvøldi fara teir úr bygdini í Mykinesi. Línuna bera teir millum sín (Mynd: Bjarni Mohr) |
 Nakrir av súlumonnunum á veg í Mykineshólm. Her eru teir komnir umleið hálva leið (Mynd: Bjarni Mohr) |
 Tann mesta súlan verður tikin eftir at myrkrið hevur lagt seg. Pannulyktir eru tá einasta ljósið (Mynd: Bjarni Mohr) |
 Ein av monnunum hevur sett seg við matpakkanum á bakkanum í Mykineshólmi (Mynd: Bjarni Mohr) |
 Línan, ið eigur lívið í monnunum, sum verða sígdir niður á røkurnar (Mynd: Bjarni Mohr) |
 Tá sólin kagar undan kavi á morgni, fáa menn so smátt hitan í kroppin aftur (Mynd: Bjarni Mohr) |
 Menn taka Súlu á tveimum rókum samstundis. Her verður gingið millum røkurnar í erva (Mynd: Bjarni Mohr) |
 Hóast náttin hevur verið drúgv og køld er gott lag á súlumonnum (Mynd: Bjarni Mohr) |
 - Maður dottin! verður rópt á eggini, tá ein maður, ið skal upp, kemur skeivt fyri. Tað spældi kortini væl av (Mynd: Bjarni Mohr) |
 Tann fyrsti av monnunum, ið hevur verið á størstu rókini í fimm tímar, er júst drigin upp (Mynd: Bjarni Mohr) |
Ein av teimum 405 Súlunum, ið vórðu tiknar, verður dripin (Mynd: Bjarni Mohr) |
 Skjótt skal berast at, tá róp kemur í og menn á bakkanum skulu draga teir á røkrunum upp (Mynd: Bjarni Mohr) |
 Klokkan sjey um morgunin koma kvinnur úr bygdini í Mykineshólm við kaffi og pannukøkum (Mynd: Bjarni Mohr) |
 Ein av avbygdamonnunum, sum er við eftir Súlum á hvørjum ári (Mynd: Bjarni Mohr) |
 Klokkan 11:30 á morgni gongur leiðin aftur heim í bygdina, 15 tímar eftir at farið varð avstað (Mynd: Bjarni Mohr) |
 Súlan, sum er tikin, verður sigld úr Mykineshólmi heim í bygdina og løgd á lendingina (Mynd: Bjarni Mohr) |
 Menninir, ið hava tikið lut í súluveiðuni um náttina og út á morgunin, deila fongin millum sín (Mynd: Bjarni Mohr) |
Er kopiera
