100 ára hátíðarhald fyri Merkinum í Keymannahavn

02.06.2019 - 11:04
100 ára hátíðarhald fyri Merkinum í Keymannahavn
Stórt hátíðarhald er í Keypmannahavn í dag, nú tað eru 100 ár síðani Merkið fyrstu ferð varð borið fram 2. juni 1919

Í dag eru hundrað á síðani, at Merkið varð borið fram á fyrsta sinni, og í hesum sambandi er hátíðarhald í Keypmannahavn.

Klokkan hálvgum tíggju fóru mannningarnar av træseglskipunum og føroyingar í Keypmannahavn við merkinum á odda av Norðuratlantsbryggjuni. 

Steðgað verður uttan fyri studentagarðin, Regensen, har føroyska flaggið fyrstu ferð varð hongt út ígjøgnum eitt av vindeygunum.

Av Regensen var farið til gudstænastu í Holmens kirkju.

Síðani verður farið við bussi til Norðmansdalin í Fredensborg, har Merkið fyrstu ferð var borið fram 2. juni 1919.

Kjartan Mohr bar merkið fram

Merkið bar Kjartan Mohr, sáli, ið tá lærdi skipasmíð í Danmark - og nú - hundrað ár seinni - er tað abbasonur Kjartans, Mouritz Mohr, skipasmiðjustjóri, ið ber Merkið.

Træseglskipini verða liggjandi í Keypmannahavn til 5. juni. Á veg hagar hava skipini vitjað Odense, Aahus og Helsingør.

Aftur til Føroya verður lagt inn í Lerwick í Hetlandi, tí tað vóru bretar, sum fyrstir viðurkendu Merkið. Teir høvdu hersett Føroyar undir krígnum og kravdu, at føroysk skip sigldu við øðrum flaggi enn Dannebrog.

MYNDIR: Tórður Mikkelsen

 

 

Nýggjastu sendingar í ÚV
Mánadag 21. oktober
Við Tórði á túri á Morskranesi
100115
Mánadag 21. oktober
Norðurljóð 21. oktober 2019
99387
Sunnudag 20. oktober
Meg minnist: Egil Hoydal (1:2)
99927
Nýggjastu sendingar í SV
Mánadag 21. oktober
3-2
100128
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta í Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875