Kaj Leo Holm Johannesen, løgmaður, og formaður í Tjóðveldi vóru rúkandi ósamdir, tá Liljan Weihe beyð teimum til kjak í sjónvarpssstovuni seinnapartin. Løgmaður tók uppaftur, at hann hevur ikki tikið støðu til, um Kári P. Højgaard verður sitandi í landsstýrissessinum eftir handfaringina av málinum um Eysturoyartunnilin. - Var tað bara stemningurin í fólkinum og hjá Høgna Hoydal, sum ráddi, var maðurin langt síðani krossfestur, segði løgmaður. Hann tekur ikki støðu, fyrr enn hann hevur fingið frágreiðing frá innlendismálaráðnum. Høgni Hoydal segði, at hetta málið snýr seg um lóg og landaskil og um fólkaræði. - Eru vit vald at ganga ørindi fyri privatar spekulantar, ella eru vit sett at tæna fólkinum og at hava lóg og land...askil, segði formaðurin í Tjóðveldi. Sí meira