Hava kært stjóran á Søvnum Landsins

Leiðandi starvsfólk á Náttúrugripasavninum og Fornminnissavninum hava sent Mentamálaráðnum klagu um stjóran á Søvnum Landsins.

Hann er einaráðandi, samanleggingartilgongdin hevur verið neilig, og stjórin hevur ein persónligan atburð, ið skapar ótryggleika, siga tey.

Starvsfólkini vísa eisini á møguligar gegnistrupulleikar millum Søvn Landsins og Mentamálaráðið.

Fíggjarmálaráðið er farið at viðgera málið, og kærurnar eru í fyrstu syftu sendar Andrasi Mortensen, stjóra, at gera viðmerkingar til. 

Andras Mortensen var ikki at hitta í dag.