Sí kjakið: Torradagar í Klaksvík

Eitt av stóru evnunum, sum verður viðgjørt á Torradøgunum, er uppskotið til fiskivinnunýskipanina. Í kvøld klokkan 19:00 verður stórt fiskivinnuting í Miðhøllini á Skúlatrøð, har allir politisku floksformenninir sita við pallborðið.

Fríggjakvøldið heldur kjakið fram í kjakfundinum "Hvat sigur fiskivinnan til uppskotið um fiskivinnunýskipan?", sum verður í Miðhøllini á Skúlatrøð.

Orðstýrarar til báðar kjakfundirnar verða Óluvá Zachariasen og Jón Brian Hvidtfeldt.

Fundurin mikukvøldið verður sendur beinleiðis í útvarpinum og í sjónvarpinum. Fundurin fríggjakvøldið verður sendur beinleiðis í útvarpinum.