- Menningarlæran kann ikki prógvast

- Menningarlæran kann ikki prógvast
Sambært Jastrid Høj, skúlastjóra í frískúlanum hjá Kelduni, er menningarlæran hjá Charles Darwin í stríð við bíbilsku skapanarsøguna
11.04.2018 - 17:05

Hetta kemur til sjóndar í fimta parti í sjónvarpsrøðini Gud signi Føroyar, sum varpar ljós á markið millum trúgv og vísindi. 

Tá Charles Darwin legði fram sítt ástøði um menningarlæruna í bókini Origin of Species frá 1859, byrjaði eitt drúgt stríð ímillum vísindafólk øðrumegin og kirkjuligar myndugleikar hinumegin. Læran um, at alt lív hevur ein felags uppruna, var ovboðið fyri kirkjuna. Og hóast nógv kirkjusamfeløg við tíðini hava góðtikið menningarlæruna, er hetta stríðið framvegis aktuelt.

Í føroyska fólkaskúlanum er menningarlæran partur av námsætlanini í lívfrøði frá 7. flokki, og sambært lógini skulu frískúlar fylgja somu námsætlan sum fólkaskúlin. Men hvussu verður menningarlæran so borin fram í 7. flokki í frískúlanum hjá Kelduni?

- Menningarlæran er í stríð við tað, sum Bíblian lýsir um skapanina. Vit læra næmingarnar at síggja tað út frá teimum kristnu virðunum, sigur Jastrid Høj, skúlastjóri.

Sí brot úr fimtu sendingini omanfyri.

Sendingin verður í sjónvarpinum í morgin kl. 19.20. Tú kanst eisini hyggja á heimasíðu okkara. Tú finnur partin her

 
Er kopiera
Nýggjastu sendingar í ÚV
Mánadag 18. mars
Norðurljóð 18.mars 2024
172377
Mánadag 18. mars
Vreiði og vreiða
172342
Mánadag 18. mars
Góðan morgun Føroyar
172339
Nýggjastu sendingar í SV
Sunnudag 17. mars
Andakt við Johan við Neyst
172320
Sunnudag 17. mars
Møti úr Kelduni
172321
Fríggjadag 15. mars
Veðrið
172276
Fríggjadag 15. mars
Breddin stroyming: Orðaskifti um semjuskjal
172264