Ákæri: Ikki upplivað slíkt fyrr

Annar dagur í rættarmálinum móti einum 42 ára gomlum føroyingi, ið er ákærdur fyri at eggja einari kvinnu til at fremja kynsligan ágang móti soni hennara, er av.

Kvinnan sigur, at hon kendi seg trýsta av manninum, og at hann manipuleraði seg.

Ákærin, Bente Schnack, sigur, at hon ikki hevur upplivað eitt slíkt mál fyrr.

Fyrnaðar myndir

Ákærin upplýsti á rættarfundinum, at føroyska løgreglan hevur funnið barnapornografisk tilfar á einari teldu hjá manninum. Myndirnar er so gamlar, at málið er fyrnað, og ákæra kann ikki reisast.

Dómur fellur væntandi mánadagin 28. mai.