Skuldin minkar eina hálva milliard

Sunnudagin tann 10. juni varð ein hálv milliard av føroyskari skuld strikað, tí tá vóru 20 ár síðani, danir og føroyingar gjørdu avtalu um eitt lán, ið fór at detta burtur, um føroyingar ikki funnu ráðevni í undirgrundini innan 20 ár.

Tað er ikki hent, og tí verður lánið nú strikað. Anfinn Kallsberg var løgmaður í 1998, og hann er errin av avtaluni, sum hann gjørdi fyri 20 árum síðani. 

Danir bókførdu beinaveg lánið sum eina útreiðslu, og tí hevur avskrivingin í hesum mánaðinum ongar útreiðslur við sær nú fyri danir.

Samrøðan, sum Beinta Løwe hevði við Anfinn Kallsberg í Degi og Viku tann 8. juni, kann síggjast í fullum líki her.