Tað kann verða torført at fáa starv

Stjórin á ALS og fakfelagsformenn mæla til størri samsvar millum útbúgvingar og arbeiðsmarknað.

Størvini vanta

Stjórin í ALS leggur dent á, at fólk skulu hava møguleika at útbúgva seg til tað, sum tey hava hug til.

Men tá omanfyri helmingurin av teimum lesandi lesa uttanlands, so kann tað vera ein avbjóðing at fáa tey heim aftur, um ikki boð eru eftir teimum á arbeiðsmarknaðinum.

Í Føroyum kundi man bøtt um trupulleikan við at laga útbúgvingartilboðini her heima til tørvin, heldur Magni á Deild Olsen.

LES EISINI: Vinnuhúsið: Kunnið um arbeiðsmøguleikarnar

Fakfelagsformenn: Raðfesti øðrvísi

Formaðurin í Lærarafelagnum vísir eisini á vantandi samsvarið millum útbúgvingar og eftirspurning.

Herálvur Jacobsen førir fram. at í staðin fyri at útbúgva lærarar til arbeiðsloysið, eiga pengarnir heldur at nýtast til at endurútbúgva og førleikamenna verandi lærarar. 

Sambært formanninum í Pedagogfelagnum er tørvur á 500 fleiri námsfrøðingum innan eitt nú dagstovnaøkið og almannaverkið.

Jógvan Philbrow er tí eisini av teirri sannføring, at størri samsvar má vera millum útbúgvingarmøguleikar og eftirspurningin eftir arbeiðsmegi.

LES EISINI: Vit vita ikki, hvør tørvurin er um 10 ár