Deyður alilaksur flýtur í ánni

Síðani 2011 hevur Heilsufrøðiliga Starvsstovan skrásett 21 tilburðir, har alilaksur er sloppin - ella at illgruni hevur verið um tað.

Í fjør var illgruni um tríggjar hendingar. Í einum føri sluppu 109.000 alifiskar.

Nú rópar sílafiskari varskó.

Latin djóralækna

Deyður fiskur úr Leyná er latin djóralækna. Hesin hevur staðfest, at talan er um alilaks og hevur tikið royndir av honum, sum nú verða kannaðar nærri.

Sjónvarpið royndi eisini at fáa orðið á Sirið Stenberg, landsstýriskvinnu í umhvørvismálum, men tað hevur ikki eydnast okkum at fáa fatur í henni.