Bøndur: Taðingin er ikki atvoldin til felli

Taðingin kann ikki vera atvoldin til, at laksurin hjá Bakkafrosti doyði, tí fiskurin bleiv sjúkur, áðrenn økið varð taðað.

Tað sigur formaðurin í Bóndafelagnum, Sigert Patursson.

Hann harmast um, at landbúnaðurin fær skyldina fyri stóra fellið hjá Bakkafrosti. 

Kanningar hjá Havstovuni vístu, at stórur alguvøkstur var í aliøkinum við Kolbeinagjógv mikudagin og hósdagin, men fríggjadagin var algunøgdin minkað nógv.