Rigmor Dam tekur fulla ábyrgd av játtan til Glasir

Rigmor Dam, sum í dag legði frá sær sum landsstýriskvinna í mentamálum, tekur fulla ábyrgd av fíggjarligu heiildini til  Glasir.

Tað segði hon í Degi og Viku í kvøld.

- Skúlin er mín ábyrgd.Eg taki eisini avleiðingarnar av hesum málinum, og leggi frá mær, segði Rigmor Dam, sum var gestur í sjónvarpsstovuni.

Fyribils røkir løgmaður mentamál í landsstýrinum.

Aksel V. Johannesen sigur, at helt Rigmor Dam fram sum landsstýriskvinna í mentamálum, kundi tað forðað fyri, at skúladepilin í Marknagili verður liðugur.

- Tí vóru vit samd um, at hon skal leggja frá sær, sigur løgmaður.