Vindmyllur á Eiði seinkaðar eitt ár

Ætlanin var at seta vindmyllurnar upp í summar, men tað verður neyvan fyrr enn næsta ár, m.a. tí at  framleiðarin skal meta um staðið, har myllurnar skulu standa, sigur Hákun Djurhuus, stjóri í SEV.

Nakað annað, sum kann gerast ein forðing er, at hagastýrið - nú aftaná at SEV hevur vunnið útbjóðingarumfarið - hevur tikið nøkur ivamál upp við SEV.

Umhvørvisstovan, sum er myndugleikin, ið hevur tikið avgerðina um at lata SEV seta vinmyllurnar upp á Eiði, visti einki um nakra ósemju millum hagan og SEV, meðan málið var til viðgerðar.