Verkbannið verður linkað

Fíggjarmálaráðið sigur í kvøld, at 48 námsfrøðingar, sum ikki vóru til arbeiðis í dag, skulu aftur til arbeiðis í morgin. Tað ger góðan mun í Skúlanum á Trøðni.

Har var støðan annars óviss í morgun, tá børn við serligum tørvi vóru biðin um ikki at koma í skúla.

Jørgen Niclasen, landsstýrismaður í fíggjarmálum, segði við útvarpið í kvøld, at 48 limir í Pedagogfelagnum, sum hava verið fevndir av verkbanninum, skulu aftur til arbeiðis í morgin.

Tað merkir, at allir 91 næmingar í fólkaskúlunum og á Skúlanum á Trøðni sleppa aftur í skúla í morgin.