Handilsforðingar um eina viku

24.07.2013 - 10:15
AktueltPolitikkur
Handilsforðingar um eina viku
Um eina viku verður væntandi samtykt í Brússel at seta handilsforðingar í gildi móti Føroyum

Tak niður

Forðingar verða væntandi settar móti at selja sild og makrel úr Føroyum í ES, og at selja fiskiskip og útgerð til fiskiskip úr ES til Føroya. Og enn er framvegis einki frætt um, hvat landsstýrið ætlar at gera við tað.

 

Fyri tveimum vikum síðani, 10.juli, varð Fíggjarnevndin kallað saman í óðum verkum at geva løgmanni sjey milliónir krónur at stevna ES inn fyri ein altjóða gerðarrætt. Málið hevði stóran skund, tí stevningin skuldi av stað mánadagin 15.juli. Hon er ikki farin enn, sambært Uttanríkistænastuni á Løgmansskrivstovuni.

 

Játtanin hevði so stóran týdning, at kravið um útreiðslu-nøvtralitet noyddist at víkja. Løgmaður varð ikki biðin at spara sjey milliónir aðra staðni í sínari játtan.

Eingin, hvørki politikarar ella embætisfólk, fáast at siga, hvussu Føroyar ætla at bera seg at móti hóttanini frá ES. Einari hóttan, sum kann gerast veruleiki um góðar tvær vikur.

 

Í fíggjarnevndarskjalinum, sum Fíggjarnevndin viðgjørdi mikumorgunin 10.juli, ásannar landsstýrið, at tað fer ikki at eydnast at fáa ES at taka aftur handilsforðingarnar móti Føroyum.
Tí bað løgmaður um sjey milliónir krónur at fáa ein altjóða gerðarrætt at avgera, um ES kann seta Føroyum handilsforðingar. Pengarnir skulu brúkast til uttanhýsis serfrøði. Og tann serfrøðin var longu funnin tá, 10.juli, talan er um avstralska professaran James Crawford.


Ein møguleiki er, at tey á Løgmansskrivstovuni bíða fyri at vita, um ES eisini fer at seta handilsforðingar móti bæði Føroyum og Íslandi viðvíkjandi makrelinum. Og so taka alt um eina leið tá, bæði sild og makrel.


Á tíðindafundi 16.juli segði Maria Damanaki, ES-fiskivinnukommisserur, at meira verður at frætta um makrelin fyri summarfrítíðina. Og summarfrítíðin hjá ES byrjar 1.august:

 
 
Nýggjastu sendingar í ÚV
Týsdag 28. januar
Kann TB blíva ein nýggjur "fimmari"?
103992
Mánadag 27. januar
Ísrael, landið og fólkið
103928
Mánadag 27. januar
Við Tóri á túri á Glasi - fyrri partur
103958
Mánadag 27. januar
Norðurljóð 27.januar 2020
103940
Nýggjastu sendingar í SV
Týsdag 28. januar
Andakt við Jóhan Peturi Johannesen
103993
Mánadag 27. januar
3-2
103969
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763