Skuldsettur fyri at hava stungið við knívi

68 ára gamli maðurin, sum varð handtikin í gjárkvøldið í sambandi við, at ein 61 ára gamal maður varð funnin deyður í einum húsum í Havn í gjárkvøldið, er skuldsettur fyri at hava stungið við knívi.

SÍ EISINI Skuldsetti noktar seg sekan

Tað kom fram, tá ákærin las skuldsetingina upp í rættinum fyri løtu síðani. Hann noktar seg sekan í skuldsetingunum.

Ákærin vildi hava, at málið varð viðgjørt fyri afturlatnum hurðum, men hesum mótmælti verjin. Og dómarin tók undir við honum. Men pressan, sum fylgir málinum, sleppur ikki at endurgeva frá rættarfundinum, tí dómarin hevur sett referatforboð.