Avgusturin verður nú skorin upp

Annar avgusturin, sum strandaði og doyði í Sundalagnum, er nú komin upp á turt á planinum á hvalastøðini við Áir. Hann skal skerast upp, tí beinagrindin skal varðveitast.

Tað verður gjørt í morgin. So tey, ið hava hug at síggja avgustin, áðrenn hann verður skorin upp, hava høvi til tess í dag.

Vit tosaðu við Bjarna Mikkelsen, lívfrøðing á Náttúrugripasavninum, meðan arbeitt varð við at fáa avgustin upp á planin á hvalastøðini.

Hetta er avgustur nummar 525, ið er drigin á planin við Áir.

Mynd: Sigrún H. Brend