Løgmaður væl nøgdur við veljarakanningina

Løgmaður, sum eisini er formaður í Sambandsflokkinum, er væl nøgdur við veljarakanningina, sum varð kunngjørd í morgun.

Kaj Leo Holm Johannesen vísir á, at hóast samgongan missir meirilutan, stendur 17-16 í tingmannatali, og tað er lítil munur, tá hugsað verður um politiska ófriðin, sum hevur verið seinastu mánaðirnar, sigur hann.

Løgmaður sigur, at Sambandsflokkuirin er næststørsti flokkur, hóast hann hevur sitið við ábyrgd í fleiri ár, og hevur tikið ópopulerar avgerðir.

Hann sigur, at samgongan hevur vent gongdini, og tá so er, plagar Tjóðveldi at hava góðan byr í veljarakanningum, og tað verður aftur staðfest hesaferð, sigur Kaj Leo Holm Johannesen.

Hoyr løgmann gera viðmerkingar til veljarakanningina.