Mentanin í Kringvarpinum ov ókritisk

Tað er oyðsl at brúka einastu mentanarsendingina í almenna Kringvarpinum, In Mente, til lættar umrøður av til dømis barnasjónleikum og áhugalist.

Tað heldur Kinna Poulsen, sum samanumtikið heldur sendingina hava verið ov lítið áhugaverda listarliga í seinastuni. Onnur halda hinvegin, at slíkt lættari tilfar er nettupp partur av meiningini við einum public service stovni, sum hevur skyldu til at hava okkurt til øll.

Gunnnar Nolsøe, vertur í In Mente, og Kinna Poulsen, ummælari, kjakast um støðið á mentanarjournalistikkinum í Kringvarpinum.